राशिफल

साना किसान कृषि सहकारी संस्थाको व्यवस्थापन हस्तान्तरण

 न्यूज विराट
साना किसान कृषि सहकारी संस्थाको व्यवस्थापन हस्तान्तरण

विराटनगर, माघ १५–मोरङको सुनवर्षी नगरपालिकाका २ साना किसान कृषि सहकारी संस्था लिमिटेडको व्यवस्थापन हस्तान्तरण गरिएको छ । सुनवर्षी नगरपालिकाको भेडुवा थान स्थित विपि सेवा केन्द्रमा आयोजित एक कार्यक्रमकाबीच सुनवर्षी–५ टकुवा र ९ नं. डायनियाँको साना किसान कृषि सहकारी संस्था लिमिटेडको सवै व्यवस्थापन र दायीत्व हस्तान्तरण गरिएको हो ।

सो संस्थाको प्रवद्र्धकका रुपमा साना किसान कृषि सहकारी संस्था लिमिटेड सिजुवा, रतुवामाई–६ रहेको छ । सो अवसरमा प्रदेश नं. १ सरकारका भुमि, व्यवस्था तथा कृषि सहकारी राज्य मन्त्री रामबहादुर मगरले व्यानरमा हस्ताक्षर गर्दै कार्यक्रमको शुभारम्भ गरे । सो अवसरमा बोल्दै मन्त्री मगरले मुलुकको कुल ग्राहस्थ उत्पादनमा सहकारीको योगदान ठुलो रहेको बताउँदै सहकारी विना समृद्धिको कल्पना गर्न नसकिने बताए ।

कार्यक्रममा मन्त्री मगरले साना किसान कृषि सहकारी संस्था लिमिटेड सुनवर्षी–९ डायनियाँ र साना किसान कृषि सहकारी संस्था लिमिटेड सुनवर्षी–५ टकुवाको प्रमाणपत्र वितरण गर्दै व्यवस्थापन हस्तान्तरण गरे । यस अघि ती संस्था साना किसान कृषि सहकारी संस्था लिमिटेड सिजुवा, रतुवामाई–६ मोरङको मातहत रहेका थिए । अब उक्त संस्थाहरुले बुधबारदेखी औपचारीक रुपमा स्वायत्त संस्थाको रुपमा काम गर्ने प्रवद्र्धक संस्थाका मुख्य प्रवन्धक ऋषिकुमार ढकालले जानकारी दिए ।

सो अवसरमा साना किसान सहकारी संस्था लिमिटेड सिजुवा, रतुवामाई–६, साना किसान सहकारी संस्था लिमिटेड सुनवर्षी–९ डायनियाँ र साना किसान सहकारी संस्था लिमिटेड सुनवर्षी–५ टकुवा र सानाकिसान लघुवित्त वित्तिय संस्थाबीच भएको त्रिपक्षिय सम्झौता समेत हस्तान्तरण गरिएको छ ।

उक्त सम्झौताको फायल साना किसान सहकारी संस्था लिमिटेड सिजुवा, रतुवामाई–६ का अध्यक्ष द्रोणबहादुर पौडेल, साना किसान सहकारी संस्था लिमिटेड सुनवर्षी–९ डायनियाँका अध्यक्ष जानकीदेवी केवरत, साना किसान सहकारी संस्था लिमिटेड सुनवर्षी–५ टकुवाका अध्यक्ष शर्मिलाकुमारी राजवंशी र सानाकिसान लघुवित्त वित्तिय संस्था इलाका कार्यालय इटहरीका प्रवन्धक दिपकराज पाण्डेलाई हस्तान्तरण गरिएको थियो ।

कार्यक्रममा साना किसान सहकारी संस्था लिमिटेड सुनवर्षी–९ डायनियाँ र साना किसान सहकारी संस्था लिमिटेड सुनवर्षी–५ टकुवाको सञ्चालनमा हाल सम्म सहयोग पुर्याएकाम स्थानीय प्रशिक्षकका रुपमा काम गरेका साना किसान सहकारी संस्था लिमिटेड सिजुवा, रतुवामाई–६ का कार्यालय सहायक मंगलकुमार तामाङलाई सम्मान समेत गरिएको थियो ।

कार्यत्र mममा प्रदेशसभा सदस्य लिला बल्लभ अधिकारी, शिवनारायण सिंह(गन्गाई), सुनवर्षी नगरपालिकाका मेयर कालीप्रसाद दास, उपमेयर मञ्जु राई, राष्ट्रिय सहकारी महासंघका सञ्चालक, साना किसान विकास बैंक तथा नेपाल कृषि सहकारी केन्द्रय संघका अध्यक्ष खेमबहादुर पाठक, नेपाल कृषि सहकारी केन्द्रीय संघका उपाध्यक्ष दोय मिना ढकाल र मदनकुमार दाहाल, प्रदेश कृषि सहकारी संघका संयोजक खगेन्द्रराज भण्डारी, जिल्लाका साना किसान कृषि सहकारीका १ दर्जन बढी अध्यक्ष तथा प्रतिनिधिहरु, विभिन्न वडाका वडाध्यक्षहरु, जनप्रतिनिधि, सहकारीका शेयर सदस्य, विभिन्न पालिकाका साना किसान कृषि सहकारीका प्रतिनिधिलगायतको उपस्थिती रहेका थियो ।

सम्बन्धित समाचार

राष्ट्र बैंकको नीतिको कारण अटो व्यवसायी सडकमा, गाडी बिक्रीको वातावरण बनाउन माग

विराटनगर । अटो मोबाइल्स व्यवसायीहरू सरकार विरुद्धका चर्का नारा लेखिएका प्लेकार्ड तथा ब्यानर बोकेर सडकमा उत्रिएका छन् । खासगरी सरकार, राष्ट्र बैंकको पछिल्लो नीतिले अटो मोबाइल्स व्यवसाय नै धरासायी हुन पुगेको भन्दै व्यवसायीहरू आन्दोलित भएका...

हिमालय दर्शन कलेजमा दुई हप्ते ‘प्रि युनिभर्सिटी’ कक्षा सकियो, विद्यार्थीको लागि लाभदाही

विराटनगर । विराटनगरस्थित हिमालय दर्शन कलेजमा भर्ना भएका विद्यार्थीहरूलाई लक्षित गरि सुरू गरिएको दुई हप्ते ‘प्रि युनिभर्सिटी’ कक्षा सकिएको छ । हिमालय दर्शन कलेजमा भर्ना भएका बीआइएम र बीसीए पहिलो सेमिस्टरमा भर्ना भएका विद्यार्थीहरूलाई लक्षित...

शिक्षादीप स्पोर्टस् मिट सुरू,पाँच सय बढी विद्यार्थीको सहभागि

विराटनगर । विराटनगरस्थित शिक्षादीप कलेजमा शिक्षादीप स्पोर्टस् मिट २०७९ सुुरू भएको छ । विराटनगरमा बिहीबार एक कार्यक्रम आयोजना गरी स्पार्टस् मिट सुरू भएको हो । हप्तादिनसम्म संचालन हुने स्पोर्टस् मिटको उद्घाटन कलेजका प्रिन्सिपल ज्ञानबहादुर खड्काले...

मेयर कोइरालाकै घरमा चल्यो डोजर, विराटनगरमा अवैध संरचना हटाउन थालियो

विराटनगर । विराटनगर महानगरपालिकाले बजार क्षेत्रमा निर्माण गरिएका अवैध संरचना हटाउने अभियान सुरु गरेको छ ।अभियानको विराटनगर महानगरपालिकाका मेयर नागेश कोइरालाको घरबाटै सुरु गरिएको छ । विराटनगर–९ जलजला रोडस्थित कोइरालाले भाडामा लगाएका पसल सञ्चालकले सटर...