विराटनगर । मोरङको कटहरी गाउँपालिकामा प्रथम पालिका स्तरीय अध्यक्ष कप फुटबल प्रतियोगिता सुरु भएको छ । कटहरी गाँउपालिका ५ को खेलमैदान बुधबारदेखि उक्त प्रतियोगिता सुरु भएको हो ।
उद्घाटन खेलमा कटहरी ४ मा रहेको द राइजिङ यृुवा क्बल विजय भएको छ । कटहरी १ मा रहेको योङहाट क्लबलाई ५–० गोलले हराउँदै द राइजिङ युवा क्लब विजयी भएको हो । प्रतियोगिताको प्लेर अफ द म्याच द राइजिङ युवा क्लबका निशान्त राइ घोषित भए ।

बिहीबारको पहिलो खेले बुढीगंगा गाउँपालिकाकोे सुकचन्द युवा क्लब र सुनसरी खनारको फाएप स्टार क्लबबीच हुनेछ । सोही दिन हुने दोस्रो खेल शान्ति युवा क्लब इटहरी र जुनियर एपसी ग्रामथानबीच हुनेछ ।

सो प्रतियोगिताको उद्घाटन कटहरी गाउँपालिका अध्यक्ष देवराज चौधरीले गरे । कटहरी गाँउपालिकाले योग्य र सक्षम फुटबल खेलाडीहरु उत्पादन गरी जिल्ला र प्रदेशमा प्रतिस्पर्धा गर्न सक्ने बनाउने उद्देश्यले फुटबल प्रतियोगिता सुरु भएको अध्यक्ष चौधरीले बताए ।

फागुन ७ गते देखि १७ गते सम्म आयोजना गरिने सो फुटबल प्रतियोगितामा कटहरी गाँउपालिकाको ७ वटा वडाका १० वटा टिमहरु र अन्य पालिकाका ६ वटा टिम गरी १६ वटा टिमले भाग लिईरहेका छन् । प्रतियोगिताको विजयी टिमले १ लाख १ हजार नगद सहित ट्रफी र उपविजेताले ५१ हजार रुपैया सहित ट्रफी प्राप्त गर्ने कटहरी गाँउपालिकाले जनाएको छ । प्रतियोगिताका लागि बजेट ५ लाख रुपैया विनियोजन गरेको छ ।