विराटनगर । बिराटनगर ८ हाट्खोलामा आवस्थित ग्रेडेड स्कुलले खेलकुद सप्ताहको बिजेता विद्यार्थीहरु लाइ पुरस्कार वितरण गरेको छ । बिद्यालय परिसरमा आयोजित ऊक्त कार्यक्रममा नर्सरी देखि नौं कक्षासम्मका बिजेता विद्यार्थीहरुलाई मेडल तथा प्रमाण पत्र वितरण गरेको हो ।
गत माघ ११ र १२ मा आयोजना भएको खेलकुद कार्यक्रममा स्वर्ण पदक १६३ , कास्य पदक १४४ र रजत पदक ९८ जना विद्यार्थीहरुले जित्न सफल भएका थिए । खेलकुद कार्यक्रममा एक दर्जनबढी विभिन्न खेलहरु रहेको स्कूलका इन्चार्ज बिपिन यादवले जानकारी दिए । उक्त स्पोर्ट्स मिटमा १ सय मिटर दौड, २ सय मिटर दौड,४ सय मिटर दौड , ज्याभ्लिङ थ्रो, म्यूजिकल चियर, सटपुट, रिले रेस, फूटबल , भलिबल, टेवलटेनिस, गणित दौड गायतको खेलहरु समावेश गरिएको स्कूलका इन्चार्ज बिपिन यादवले बताए । यस्तो कार्यक्रमले पढाईसँगै विद्यार्थीमा भएको प्रतिभा प्रस्फुटन हुने उनले बताए ।