विराटनगर । नेपाल विद्यालय खेलकुद संघ मोरङ गठन भएको छ । विराटनगरमा आइतबार भएको भेलाले नेपाल विद्यालय खेलकुद संघ गठन भएको हो । संघको अध्यक्षमा सितला सुब्बा रहेकी छिन् । उनी प्याब्सन मोरङको निर्वतमान अध्यक्ष पनि हुन् ।
सुब्बाको अध्यक्षतामा १२ सदस्य समिति गठन भएको छ ।

समितिको उपाध्यक्षमा सुनिल पौडेल, अनुज बानिया,सचिबमा विष्णु डंगोल र कोषाध्यक्षमा अर्चना ढुङ्गेल रहेकी छिन् । समितिको अन्य सदस्यहरुमा हिरा बहादुर थापा मगर, नन्दलाल मण्डल, पराग ढुङ्गना, उपेन्द्र कडेल, आयुद आछामी, श्यामलाल पौडेल, विहाङ चौधरी र ज्योती महत्तो रहेकी छिन् ।
नवनिर्वाचित अध्यक्ष सुब्बाले विद्यालयस्तरमा खेलकुद क्षेत्रलाई चलायमान गरेर अगाडी बढाउने बताइन् । विद्यालय स्तरदेखि खेलकुदको लागि दक्ष खेलाडी उत्पादन गरेर संघ अगाडी बढने उनको भनाई छ । नेपाल विद्यालय खेलकुद महासंघ अन्र्तगत संघ जिल्लामा गठन भएको हो । आइएसएफ बाट मान्यता प्राप्त संस्था पनि हो । खेलप्रती सर्बसाधारणको रुचि अभिवृद्धी गर्नुका साथै खेलप्रति विद्यार्थी , युवा , युवती तथा बालबालिकाहरुको सहभागीतामा वृद्धि गर्ने उद्देश्य रहेको अध्यक्ष सुब्बाले बताइन् ।