विराटनगर । लायन्स क्लव अफ विराटनगर हेल्थ प्रोफेसनलको पदस्थापना सम्पन्न भएको छ । विराटनगरमा सोमबार एक कार्यक्रम आयोजना गरी क्लबको पदस्थापन भएको हो ।

क्लबको नवनिर्वाचित अध्यक्षमा औषधी व्यवसायी अनिल चौधरी शर्मा रहेका छन् । जुलाई १ देखि उनले कार्यभार समालेका छन् । क्लबको प्रथम उपाध्यक्षमा बृज कुमार दास, द्वतिय उपाध्यक्ष प्रमोद कुमार साह, तृतीय उपाध्यक्ष श्रवण कुमार थापा, सचिव तेज नारायण साह, कोषाध्यक्ष सोमनी कुमारी साह, एलसिआईएफ कोर्डिनेटर डा. सुनिल रेग्मी, मेम्बरसीप चियरपर्सन नन्दु साह, सर्भिस चियर पर्सन प्रकाश कार्की, मार्केटिङ चियरपर्सन डा. संजय झा, तथा क्लवका डारेक्टरहरु ज्ञान बहादुर बस्नेत, डा. राजेन्द्र चौधरी, डा. प्रविण झा, संजिव पोखरेल लगायत रहेका छन् ।

लायन्स अन्तर्राष्ट्रिय ३२५ डिष्ट्रिक सी का गभर्नर विकास अधिकारीले नवनियुक्त पदाधिकारीहरुलाई पदस्थापना गरेको क्लवका संस्थापक अध्यक्ष डा. बालकृष्ण साहले बताए । कार्यक्रममा बोल्दै गभर्नर अधिकारीले स्वास्थ्य क्षेत्रका समाजसेवीहरुले स्थापना गरेको हेल्थ प्रोफेसनल क्लव एउटा अवल, ससक्त र प्रभावकारी लायन्स क्लवका रुपमा स्थापित रहेको बताए । क्लवले पदस्थापना कार्यक्रमको अवसरमा ५ नयाँ सदस्य पनि थपेका छन् । औषधी व्यवसायी नारायण दाहाल, लोकेश मण्डल, कलेजोरोग बिशेषज्ञ डा. प्रताप सागर तिवारी, नेत्ररोग विशेषज्ञ डा. भाष्कर झा, र लियो सदस्य आशा जैशवाललाई क्लवका सदस्यका रुपमा मनोनित गरेका छन् ।

कार्यक्रममा पुर्व गभर्नरहरु लायन राजन खत्री, लिला ढुङ्गेल, भिम घिमिरेलेलगायतको उपस्थिती रहेको थियो ।
कार्यक्रममा नेपाल चिकित्सक सघं कोशीमा निर्वाचित क्लवका पदाधिकारीहरुलाई सम्मान पनि गरियो । क्लवका डारेक्टर डा. राजेन्द्र चौधरी, क्लवका संस्थापक अध्यक्ष डा. बालकृष्ण साह, र क्लवका एलसिआईएफ चियरपर्सन डा. शुनिल रेग्मी नेपाल चिकित्सक संघ कोशीका क्रमशः अध्यक्ष, महासचिव र कोषाध्यक्ष पदमा निर्वाचित भएको थियो । क्लबका बर्ष २०२३÷०२४ का अध्यक्ष डा. सुनिल रेग्मीले लायन्सका सेवाले गरेको योगदानलाई कदर गर्दै लायन्स अन्तर्राष्ट्रिय, डिष्ट्रिक्ट र ३२५ सि मा जोन चियरपर्सनका रुपमा मनोनित भएको गभर्नर अधिकारी बताए ।