विराटनगर । सातौं संस्करणको मिस्टर एण्ड मिस लिटल कोशी प्रतियोगिताको विराटनगरको अडिसन भव्य रुपमा सम्पन्न भएको छ । जय मिडिया मेनेजमेन्ट प्रालिको आयोजनामा उक्त प्रतियोगिता सुरु भएको हो । विराटनगरमा भएको पहिलो अडिसनमा ५० भन्दा बढी बालवालिकाहरुको सहभागिता रहेको थियो ।
प्रतियोगिताको अर्को अडिसन सुनसरीको इटहरीमा आउने शनिबार भदौ ८ हुनेछ । इटहरीपछि धरानमा भदौ १५ गते अडिसन हुने जय मिडिया मेनेजमेन्ट प्रालिका अध्यक्ष जय राज रायले जानकारी दिए । प्रतियोगिताको छनौट चरणको अडिसनबाट छनौट भएका प्रतियोगिहरु फाइनलमा पुग्नेछन् । प्रतियोगिताको बिजेताले नगद र विभिन्न गिफट ह्याम्परहरु प्राप्त गर्नेछन् । अडिसनको निर्णायकहरुमा जय मिडीया म्यानेजमेन्ट प्रा.लि. का अध्यक्ष जय राज रायः, बिपी कोइराला विज्ञान प्रतिष्ठनानका डा. श्रवण मण्डल, मिस कोशी २०२४ की विजेता शुभलक्ष्मी राई, मिस कोशी २०२४ की अर्गनाईजर च्वाईस विजेता र फस्ट रनरअप निशाहागंमा लिम्बु, मिस्टर एण्ड मिस लिटल कोशी २०२३ की विजेता
प्रशिका श्रेष्ठ रहेकी छिन् ।

छैठौं संस्करणको मिस्टर एण्ड मिस लिटल कोशीको उपाधि विराटनगरकी प्रिकाशा श्रेष्ठ र इटहरीका सुगम ढकालले जितेका छन् । प्रिकाशाले मिस तर्फ र सुगमले मिस्टरतर्फको उपाधि जितेका थिए । बालवालिकाहरुमा भएको प्रतिभा उजागर गर्ने उद्देश्यले यो प्रतियोगिता प्रत्येक वर्ष हुँदै आएको छ । विगतको वर्षहरुमा जस्तै यो पटक पनि भव्य र सभ्य तरिकाले सातौं संस्करणको मिस्टर एण्ड मिस लिटल कोशी प्रतियोगिता हुने अध्यक्ष रायले बताए । ‘प्रतियोगितामा भाग लिने इच्छुक बालवालिकाहरुको लागि आवेदन पनि खुल्ला गरिएको छ । आवेदन अनलाइनमाबाट पनि दिन सकिने गरीको व्यवस्था हामीले गरेका छौं,’ अध्यक्ष रायले भने ।