विराटनगर । राष्ट्रिय सौन्दर्यकर्मी युनिय (नाबुन) कोशी प्रदेशको अध्यक्षमा विराटनगरकी कला डाँगी निर्विरोध निर्वाचित भएकी छिन् । झापाको बिर्तामोडमा बुधबार सम्पन्न भएको नाबुन प्रदेशको तेस्रो अधिवेशनबाट डाँगी अध्यक्षमा सर्वसम्मत रुपमा निर्वाचित भएकी हुन् ।
नवनिर्वाचित अध्यक्ष डाँगी यसअघि नाबुन कोशी प्रदेशको सचिव रहेकी थिइन् । उनले सौन्दर्यकर्मीहरुको हकहितमा लागि पर्ने बताइन् । उनले सौन्दर्यकर्मीहरुको क्षमता अभिवृद्धी गरेर अगाडी बढने बताइन् ।
नावुन प्रदेशको उपाध्यक्षमा इस्मिता ठकुरी, सचिबमा मार्था राई, सह–सचिबमा गंगा कर्माकर, कोषाध्यक्ष अमिता पोखरेल रहेकी छिन् ।
नाबुन कोशी प्रदेशमा पाँच सय बढी सदस्य आवद्ध रहेका छन् । उक्त कार्यक्रमको उद्घाटन नाबुनकी केन्द्रीय संयोजक पम्फा पाहाडीले गरेकी थिइन् ।