विराटनगर । स्वावलम्बन लघुवित्त वित्तीय संस्था लि. ले केन्द्र प्रमुखहरू अन्र्तक्रिया र वित्तीय साक्षरता कार्यक्रम आयोजना गरेको छ । विराटनगरमा दुई दिनसम्म कार्यक्रम आयोजना गरी वित्तीय साक्षरता कार्यक्रम आयोजना गरेको हो । उक्त कार्यक्रम बिहीबार सम्पन्न भएको छ ।

दुईदिनसम्म संचालन भएको उक्त कार्यक्रममा दुई सय जना केन्द्र प्रमुखहरुको सहभागि रहेको स्वावलम्बन लघुवित्त वित्तीय संस्था लि. विराटनगरका शाखा प्रबन्धक मनोज न्यौपाने जानकारी दिए । केन्द्र प्रमुखहरूको भेला गराएर वित्तीय साक्षरताको बारेमा जानकारी गराएपछि उनीहरुले सेयर सदस्यहरुलाई बुझाउन सजिलो हुने भएकाले यस्तो कार्यक्रम आयोजना गरिएको उनले बताए । दुई दिनसम्म संचालन भएको कार्यक्रमको सहजिकरण स्वावलम्बन लघुवित्त वित्तीय संस्था लि. इटहरीका प्रमुख लोक वहादुर रखाल र विराटनगरका शाखा प्रबन्धक न्यौपानेले गरेका थिए ।

सोही अवसरमा स्वावलम्बन लघुवित्त वित्तीय संस्था लि. विराटनगरको कार्यक्षेत्र अन्र्गतको उत्कृष्ट हुने केन्द्रलाई पुरस्कृत पनि गरेको छ । जसमा केन्द्र नं.१२ प्रथम भएको छ । केन्द्र नं. ६ द्धितीय र तृतीय केन्द्र नं. ९१ भएको छ । उनीहरुलाई नगदसहित कदर पत्रले सम्मान गरिएको छ । पुरस्कृत भएका केन्द्र प्रमुखहरुलाई समापन कार्यक्रमको प्रमुख अतिथि कटहरी गाउँपालिका १ का वडाअध्यक्ष हरीनारयण राजवंशीले पुरस्कार वितरण गरे । कार्यक्रममा बोल्दै उनले महिलाहरुलाई आत्मनिर्भर बनाउन लघुवित्तको भूमिका ठूलो सहयोग पुगेको बताए । छरिएर रहेको पूजीलाई एकीकृत गर्न लघुवित्तले सयोग पुर्याएको उनले बताए ।

यसैगरी आफ्ना सेयर सदस्यको घरक्षती वापत राहत रकम पनि लघुवित्तले वितरण गरेको छ । केन्द्र नं. १४७ का सदस्य ललिता देव मलाहको घर क्षती भएपछि लघुवित्तले राहत रकम वितरण गरेको हो । यसैगरी श्रीमानको मृत्यु भएपछि केन्द्र नं. १ की सीतादेवी कटुवाल र केन्द्र नं. १६० की यसोदा देवी मण्डललाई पनि लघुवित्तले सहयोग रकम प्रदान गरेको छ । केन्द्र नं. ६२ की सानी तामाङको श्रीमानको मृत्यु भएपछि उनले लिएको २ लाख २५ हजार रुपैयाँ कर्जा पनि मिनाह गरिएको स्वावलम्बन लघुवित्त वित्तीय संस्था लि. विराटनगरका शाखा प्रबन्ध न्यौपानले जानकारी दिए ।
स्वावलम्बन लघुवित्त वित्तीय संस्था लि. देशभरीमा १४५ वटा शाखा कार्यालय रहेको छ । विराटनगर अन्र्तगत ३ हजार ७२ जना सदस्यहरु रहेको लघुवित्तले जनाएको छ ।