विराटनगर । रतुवामाइ समाज विराटनगरको पाँचौ स्थापना दिवस विभिन्न कार्यक्रम आयोजना गरी मनाएको छ ।
विराटनगरस्थित आर्दश स्कुलमा शनिबार एक कार्यक्रम आयोजना गरी पाँचौ स्थापना दिवस मनाएको हो ।

समाजको अध्यक्ष विष्णुराज लामिछानेको सभापतित्वमा भएको उक्त कार्यक्रमको प्रमुख अतिथि संघीय सांसद ऋषिकेष पोखरेल रहेका थिए । कार्यक्रममा विभिन्न क्षेत्रका व्यक्तिहरुको उपस्थिती रहेको थियो ।
समाजको स्थापना दिवसको अवसर पारेर खुल्ला रक्तदान कार्यक्रम आयोजना गरेको छ । रक्तदान कार्यक्रममा विभिन्न क्षेत्रका व्यक्तिहरुले रक्तादन गरे । रगत नभएर कसैको पनि अकालमै ज्यान नजाहोस र रगत अभावलाई पूर्ती गर्ने उद्देश्यले खुल्ला रक्तादान कार्यक्रम आयोजना गरिएको समाजका प्रेम श्रेष्ठले बताए ।