विराटनगर । विराटनगरमा ‘कोरा साईकलिङ ईभेन्ट २०२३’ आयोजना गरिएको छ । टर्की र सिरियाका भुईचालो प्रभावितकालागि आर्थिक सहयोग संकलनको उद्देश्यले शनिबार कोरा साईकलिङ ईभेन्ट आयोजना गरिएको हो ।

नेपाली यूवा उद्यमी मञ्च विराटनगर र रोटरी क्लब अफ विराटनगर फ्युजनको आयोजनामा साईकल इभेन्ट आयोजना गरिएको थियो । कार्यक्रममा ६० जना भन्दा बढी साईकल सवार यूवाहरु सहभागि भए । जनआन्दोलन चोकबाट शुरु भएको साईकल सवार सहभागि युवाले धरानरोड राजवंशी चोक,पुष्पलालचोक बाट मेनरोडहुँदै विराटनगर महानगरपालिकाका विभिन्न भागको परिक्रमागर्दै फेरी जनआन्दोलनचोक आईपुगेका थिए ।

सो क्रममा सहभागिले झण्डै १२ किलोमिटर सडकको यात्रा गरेका थिए । यसपटक तेश्रो संस्करणको साईकल परिक्रमा आयोजना गरिएको नेपाली यूवा उद्यमी मञ्चका अध्यक्ष रंजित भगतले जानकारी दिए । उनले विराटनगरमा मात्र नभई एकैसाथ देशभरिनै यसप्रकारको कार्यक्रम आयोजना गरिएको जस्मा झण्डै ४ हजार साईकल सवार यूवाहरु सहभागि भएको बताए ।
ईभेन्टमा सहभागिताकालागि कुनै प्रकारको दर्ता शुल्क नराखिएको तर सहभागिले स्वेच्छा अनुसार उपलब्ध गराएको रकम संकलन गरेर एकमुष्ट भुकम्प प्रभावित टर्की र सिरिया पठाईने अध्यक्ष भगतले जानकारी दिए । कार्यक्रममा आयोजक मञ्च र रोटरी आबद्ध युवाहरुका साथै साईकलिङका शौखिन युवाहरुले सहभागिता जनाएका थिए ।
बितेको बर्ष फागुनमा टर्की र सिरियामा आएको भुईचालोमा परी हजारौं ब्यक्तीको ज्यान गएको थियो भने अर्बौको धनमाल नष्ट भएको थियो ।