विराटनगर । सञ्चारकर्मी सञ्चार सहकारी संस्था विराटनगरले चार जना पत्रकारलाई पुरस्कृत गरेको छ । सहकारीको बाह्रौ स्थापना दिवसको अवसर पारेर बुधबार विराटनगरमा पत्रकारहरू प्रमोद प्रधान, नवराज कट्टेल, सन्तोष सिग्देल र रञ्जिता पोखरेललाई पुरस्कृत गरिएको हो ।

प्रधानलाई ५१ हजार, कट्टेललाई ५० हजार, सिग्देललाई २१ हजार र पोखरेललाई १० हजार राशीको पुरस्कार प्रदान गरिएको छ । सोही अवसरमा अग्रज पत्रकार मोहन भण्डारीलाई सम्मान गरिएको छ । पुरस्कृत र सम्मानित भएका पत्रकारहरुलाई कार्यक्रमका प्रमुख अतिथि विराटनगर महानगरपालिका प्रमुख नागेश कोइरालाले कदर पत्र र दोसल्ला ओढाएर सम्मान गरे ।