विराटनगर । विराटनगरस्थित झी : पुचमा सामुहिक व्रतबन्ध भएको छ । प्रदेश १ को विभिन्न जिल्लासहित अन्य ठाउँबाट ३६ जना बटुक सहभागी गराएर सामुहिक व्रतबन्ध गराएको झी : पुचका अध्यक्ष हरीबहादुर श्रेष्ठले जानकारी दिए ।

झी : पुचले प्रत्येक वर्ष सामुहिक ब्रतमन्ध र सामुहिक बेलविवाह गर्दै आएको छ । यसअघि सामुहिक बेलविवाहमा मोरङ, झापा, सुनसरी र उदयपुरका गरी ४० जना कन्याको सामूहिक बेलविवाह गरिएको गराएको थियो ।

बेलविवाह रजस्वला हुनुअघि अनिवार्य रुपमा नेवार कन्याहरुले गर्नुपर्छ । शिवपुत्र कुमारलाई बेलको स्वरुपमा लिई कन्यासँग विवाह गर्ने चलन छ । धर्म संस्कृतिको संरक्षणको लागि झी : पुचले यस्ता कार्यहरु गर्दै आएको अध्यक्ष श्रेष्ठले बताए ।