विराटनगर । प्रदेश नं १ का आन्तरिक मामिला तथा कानुन मन्त्री केदार कार्कीले २७ बुद्धे उपव्धि सार्वजानिक गरेका छन् । आन्तरिक मामितला तथा कानुन मन्त्रालय समालेको १४ महिना हुन लागेको र नयाँ सरकार गठनको प्रक्रिया सुरू भएपछि मन्त्री कार्कीले आफ्नो कार्यकालको उपलव्धिहरू बुधबार पत्रकार सम्मेलन गरी सार्वजानिक गरेका हुन् ।

मन्त्री कार्कीले पहिलो बुद्धामा प्रदेश सरकार अन्तर्गको मन्त्रालयहरु रहने संरचनाको लागि भवन निर्माणको लागि जग्गा प्राप्तको प्रक्रिया अगाडी बढेको बताएको छ । विराटनगर महानगरपालिका भित्र मुख्यमन्त्रीको कार्यालय, मन्त्रालयहरू र प्रदेश सभा भवन रहने गरी तथा ग्रामथान, बुढीगङ्गा र सुन्दरहरैँचाको मध्यविन्दुमा पर्ने गरी मन्त्री आवासको निर्माणका लागि जग्गा प्राप्तिको प्रक्रिया अगाडि बढेको उनले बताए । यस्तै गरी सात प्रदेशमध्ये प्रदेश नं. १ शान्ति सुरक्षाको कार्यसम्पादनमा पहिलो प्रदेश हुन सफल भएको उपलब्धीमा समावेश गरिएको छ । विपन्न नागरिकलाई निःशुल्क कानुनी सहायता प्रदान गर्न बजेटको विनियोजन गरी कार्यान्वयनका चरणमा रहेको, लागु औषधको प्रयोगलाई निरूत्साहित गर्न विभिन्न पुनःस्थापना–केन्द्रलाई अनुदान दिने प्रक्रियामा रहेको, ‘सुरक्षित यात्रा, सुरक्षित सडक’ का लागि प्रविधिमैत्री सडकको निगरानी गर्न यस प्रदेशमा रानीदेखि धरानसम्म सीसी क्यामेराको जडान भएको देखि चाँडै कोसीदेखि मेचीसम्म सिसि टिभी जडानको काम प्रक्रियामा रहेको उपलब्धीमा समावेश गरिएको छ ।
यस्तै ‘प्रहरी सुरक्षितःनागरिक सुरक्षित’ भन्ने मान्यतालाई मूर्त रूप दिन प्रदेश नं १ मा प्रहरीका लागि नयाँ भवनको निर्माण तथा मर्मत–सम्भारका कामले तीव्रता दिएको आर्थिका वर्र्षमा १५ वटा नयाँ भवन निर्माणका साथै १०४ वटा पुराना भवनलाई मर्मत–सम्भारका लागि बजेट विनियोजन भई निर्माण तथा मर्मत–सम्भारको काम सुरु भइसकेको जनाएको छ । सीमा सुरक्षाका लागि बिओपीको स्थापना गरिएको उपलब्धीमा समावेश गरिएको छ ।
मन्त्री कार्कीले २०७८ कात्तिकमा आन्तरिक मामिला तथा कानुन मन्त्रालय सामालेका थिए ।