विराटनगर । विराटनगरस्थित शिक्षादीप कलेजले प्रत्येक वर्ष झैं यस वर्ष पनि कलेजले लिएको आन्तरिक परीक्षामा सर्वोत्कृष्ट अङ्क ल्याउने १ सय १० जना विद्यार्थीलाई नगदसहित सम्मान गरेको छ ।
कक्षा ११ र कक्षा १२ का करिब ११० जना विद्यार्थीहरुलाई शुक्रबार स्कुल परिसरमा नगद पुरस्कार सहित प्रमाण पत्र, फुलमाला र अविर लगाई दिएर सम्मान गरेको हो ।
शिक्षादीप कलेज स्थापनाकालदेखि नै गुणस्तरीय शिक्षाका लागि अब्बल रहदै विद्यार्थी तथा अभिभावकको रोजाईमा निरन्तर पहिलो हुँदै आएको छ । विद्यार्थीहरुलाई किताबी ज्ञान मात्र हैन, प्रयोगात्मक ज्ञान र प्रतिष्पर्धी शिक्षालाई कलेजले बढी महत्व दिइएकाले सबैको रोजाईमा शिक्षादीप पर्न सफल भएको कलेजका प्राचार्य ज्ञान बहादुर खड्काले बताए ।
कलेजले केही दिन अगाडि मात्र कक्षा ११ र कक्षा १२ मा अध्ययनरत विद्यार्थीहरुले यो क्षेत्रको पहिलो जलवायु परिवर्तन सम्बन्धी सम्मेलनको भव्य रुपमा आयोजना गरेर जलवायु परिवर्तन सम्बन्धि खोजमुलक अनुसन्धानलाई प्रस्तुत गरेका थिए । उपत्यका बाहिरबाट पहिलो नेपाल प्रथम भएको कलेजले यो वर्ष पनि इन्जिनियरिङ्गको प्रवेश परीक्षामा निजी शिक्षण संस्थाको तर्फबाट टप सयमा एकमात्र विद्यार्थी ६१ औं स्थानमा नाम निकाली उत्कृष्ट नतिजा ल्याएको कलेजका प्राचार्य खड्काले बताए ।
सो पुरस्कार कलेजका प्राचार्य खड्का, बसन्त कुमार बस्नेत, रमेश कुमार मण्डल लगायतले वितरण गरेका थिए ।