विराटनगर । मोरङ क्षेत्र नं. ५ मा प्रतिनिधि सभा सदस्यीय पदमा स्वतन्त्र उम्मेदवारी दिएका योगेन्द्र मण्डलले ट्युबवेल चुनाव चिह्न पाएका छन् । निर्वाचन कार्यालयले बुधबार मण्डललाई ट्युबवेल चुनाव चिन्ह प्रदान गरेको हो ।

नेकपा एमाले पार्टीले टिकट दिने आसमा बसेका कटहरीस्थित जीवन विकास लघुबित्तिय संस्थाका संस्थापक अध्यक्ष समेत रहेका मण्डलले क्षेत्र नम्बर ५ मा स्वतन्त्र उम्मेदवारी दिएका हुन् । पार्टी कमिटीबाट प्रतिनिधि सभा सदस्यमा उनको नाम सिफारिस भएको थियो । तर, अन्तिम समयमा एमाले र जसपाबीच चुनावी तालमेल गर्ने सहमति बनेपछि मण्डलले स्वतन्त्र उम्मेदवारी दर्ता गराएका छन् । मोरङ ५ मा एमालेले समर्थन गरेपछि जसपाका राजकुमार यादवले प्रतिनिधि सभा सदस्यमा उम्मेदवारी दर्ता गराएका छन् । यो क्षेत्रमा एमालेले प्रदेशका दुई वटै क्षेत्र जसपालाई छाडेको छ ।

मोरङ क्षेत्र नं. ५ मा गठबन्धनबाट माओवादी केन्द्रका शिवकुमार मण्डल उठेका छन् । स्वतन्त्र उम्मेदवारी दिएका मण्डल मोरङ क्षेत्र नं. ५ मा लोकप्रिय रहेका छन् । सामाजिक कार्यमा पनि सक्रिय रहेकोले मण्डलको लोकप्रिय क्षेत्र नं. ५ मा बढेको छ । आगमी मंसिर ४ गते हुने निर्वाचनमा यस निर्वाचन क्षेत्रमा त्रिपक्षीय प्रतिस्पर्धा हुने देखिएको छ । माओवादीबाट मण्डल, जसपबाट यादव र स्वतन्त्रबाट मण्डलको प्रतिस्पर्धा हुने देखिएको छ ।
२०७४ को चुनावमा यस क्षेत्रबाट माओवादी केन्द्रका मण्डलले चुनाव जितेका थिए । उनले काँग्रेस नेता अमृत आर्याललाई पराजित गरी मण्डल संसद् भएका थिए । काँग्रेस नेता आर्यलालले अहिले मोरङ क्षेत्र नं. ५ (२) मा उम्मेदवारी दिएका छन् ।