विराटनगर, २० भदौ । निरन्तर विभिन्न सामाजिक कार्यहरु रोटरी क्लब अफ विराटनगर डाउनटाउनले निःशुल्क दन्त शिविर आयोजना गरेको छ ।

विद्यार्थीहरुका लागि क्लबले विराटनगर विराटनगर खार्जी स्थित ज्योती आधारभूत विद्यालयमा नौलखा डेन्टल केयरको सहकार्यमा निःशुल्क दन्त शिविर आयोजना गरेको हो ।

विद्यालयमा अध्ययनरत बालबालिकाहरुमा दाँत तथा मुखमा लागेको रोगको समाधानका लागि शिविर आयोजना गरिएको क्लबकी अध्यक्ष रेखा राठीले जानकारी दिइन् ।

शिविरमा विद्यालयमा अध्ययनरत बालबालिका, शिक्षक तथा कर्मचारीहरु गरि ८० जनाले परिक्षण गराएका छन् । शिविरको संयोजक क्लबकी पूर्वअध्यक्ष सुनिता अग्रवाल रहेकी थिइन् ।

शिविरमा वरिष्ठ दन्त चिकित्सक डा. दिपन्द्र नौलखा, डा. नुतन नौलखालगायतको टोलिले परिक्षण गरेको क्लबकी सचिव नमिता टिवडेवालले बताइन् ।

सो अबसरमा क्लबका पदाधिकारी र सदस्यहरुको उपस्थिती रहेको थियो । सो अबसरमा बालबालिकाहरुलाई दन्त मञ्जन र ब्रुस समेत वितरण गरिएको थियो । कार्यक्रममा दाँत तथा मुखमा लाग्ने रोगबाट बच्ने उपायका बारेमा समेत सचेततना जगाइएको थियो ।