पेट्रोलियम पदार्थ ढुवानी गर्दै आएका व्यवसायीले भाडा बढाउन माग गर्दै आन्दोलनको चेतावनी दिएका छन् । नेपाल पेट्रोलियम ढुवानी व्यवसायी महासंघका अध्यक्ष खगेश्वर वोहोराले नेपाल आयल निगमका कार्यकारी निर्देशकलाई बिहीबार एक पत्र लेख्दै आन्दोलन गर्ने चेतावनी दिएका हुन् ।

यसअघि नै निगमले भाडा बढाउने भने पनि हालसम्म भाडा नबढाएको भन्दै महासंघले आन्दोलनको चेतावनी दिएको छ । आगामी भदौ १ गतेसम्म भाडा नबढाइए २ भदौदेखि ढुवानी नगरिने चेतावनी महासंघले दिएको छ ।