विराटनगर, १३ साउन । उड्न लागेको विमानमा समस्या देखिएपछि यति एयरलाइन्सको जहाज विराटनगर विमानस्थलमै रोकिएको छ ।

आज विहान साढे सात बजेतिर ६० जना यात्रु लिएर काठमाडौंका लागि उड्न लाग्दा जहाजमा खराबी देखिएपछि जहाज विमानस्थलमै रोकिएको हो ।

उड्न लाग्दा वाईटी ७८६ उडान नम्बर र एमएम कल साइनको जहाजमा समस्या आएको हो । एक्कासि खराबी आएपछि जहाजलाई विराटनगरमै रोकिएको यति एयरलाइन्स विराटनगरका स्टेशन म्यानेजर प्रेम कुँवरले बताए ।

उनले परिक्षण गरेर समस्या समाधान गरेपछि नियमित उडान हुने जानकारी दिए ।