काठमाडौं, २४ माघ । पछिल्लो २४ घण्टामा १ हजार ५ सय ७० जनामा कोरोना भाइरसको संक्रमण पुष्टि भएको छ । सोही अवधिमा ६ हजार १ सय ४६ जना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ ।

सोमबार ११ हजार ३ सय ६५ जनाको पीसीआर परीक्षण गरिएको थियो । त्यसमध्ये ७ हजार ८ सय ७४ जनाको पीसीआर र ३ हजार ४ सय ९१ जनाको एन्टिजेन विधिबाट परीक्षण गरिएको मन्त्रालयले जानकारी दिएको छ ।

पछिल्लो २४ घण्टामा १३ जना कोरोना संक्रमितको मृत्यु भएको छ । यससँगै हालसम्म ११ हजार ८ सय २७ जना कोरोना संक्रमितको मृत्यु भइसकेको छ ।

हाल मुलुकमा ४० हजार १ सय ११ जना सक्रिय संक्रमित रहेको मन्त्रालयले जानकारी दिएको छ । हाल १ सय ३७ जना क्वारिन्टिनमा छन् ।

सोमबार १ लाख ७८ हजार ५ सय ७९ जनालाई कोरोनाविरुद्धको खोप लगाइएको स्वास्थ्य मन्त्रालयले जानकारी दिएका छन् ।