काठमाडौं, १८ पुस । पछिल्लो २४ घण्टामा २ सय १६ जनामा कोरोना भाइरसको संक्रमण पुष्टि भएको छ । सोही अवधिमा २ सय नौ जना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार सोही अवधिमा दुई जना कोरोना संक्रमितको मृत्यु भएको छ । हालम्म ११ हजार ५ सय ९६ जना कोरोना संक्रमितको मृत्यु भइसककेको छ ।

आइतबार ७ हजार ६ सय ३१ जनाको कोरोना परीक्षण गरिएको थियो । त्यसमध्ये ५ हजार ९ सय ६२ को पीसीआर र १ हजार ६ सय ६९ को एन्टिजेन विधिबाट परीक्षण गरिएको मन्त्रालयले जानकारी दिएको छ ।

हाल मुलुकमा सक्रिय संक्रमितको संख्या ४ हजार ९ सय ७१ पुगेको मन्त्रालयले जानकारी दिएको छ । मन्त्रालयका अनुसार आइतबार १ लाख ३३ हजार ८ सय १२ जनालाई कोरोनाविरुद्धको खोप लगाइएको छ ।