विराटनगर, ३ कात्तिक । अविरल वर्षाका कारण विराटनगरका अधिकांश क्षेत्र डुबानमा परेको छ । मोरङका विभिन्न खोला वस्तीमा पस्दा सयौं घरपरिवार विस्थापित भएका छन् ।

विराटनगरस्थित विमानस्थलमा बाढी पस्दा हवाई उडानसमेत अवरुद्ध भएको छ । अविरल वर्षाका कारण विराटनगर विमानस्थल अवरुद्ध भएको छ । विमानस्थल जलमग्न भएको छ । विमानस्थल अवरुद्ध भएपछि काठमाडौं जाने यात्रुहरु अलपत्र परेका थिए ।

गन्तव्यसम्म नपुगिने विराटनगर विमानस्थलबाट घर फर्केको हवाई यात्रु प्रशान्त उप्रेती बताउछन् । उनले विमानस्थल बाढीका कारण अवरुद्ध भएको कुनै सूचना नपाएको गुनासो गरे ।

कात्तिक महिनामा परेको पानीले बाढी नआउने अड्कल काटेका सर्वसाधारणको अनुमान विपरीतको अवस्था सिर्जना भएपछि अवस्था भयावह भएको हो । घर र मालसामान खोलामा बगे पनि सम्बन्धित निकायहरुले पीडितको विषयमा तत्काल चासो नलिएको भन्दै पीडित सुरेश कामतले आक्रोश ब्यक्त गरेका छन् ।

गाउँ डुबान हुँदासमेत स्थानीय सरकार बेखबर रहेको उहाँले गुनासो गर्नु भयो । विराटनगरसँग जोडीएको कटहरी गाउँपालिका वडा नं ३ कटहरी, वडा नंः ४ नयाँवजार, वडा नंः ६ थलाहा, करसिया र वडा नंः ७ हुरहुरीया लगायतका ठाउँहरुमा डुबान भएको छ भने विराटनगर विमानस्थल लगायत नगरक्षेत्रभित्र डुबान भएको छ ।

डुवानका कारण विराटनगरदेखि पूर्व रंगेली जाने सडक अवरुद्ध भएको छ । सडकमा भएको अवरुद्ध हटाउन सुरक्षाकर्मी लगायत स्थानीय जुटेका थिए । लोहन्द्रा खोलाको पानिको वहाव बढी भएकाले बाटो अवरुद्ध भएको जिल्ला ट्राफिक कार्यालय मोरङका मोरङका प्रमुख चन्द्रबहादुर खड्काको भनाइ छ । पुल साँघुरो भएका कारण पानीको वहाव घटैसँगै सडकमा भएको अवरोध हटेको उनले बताए ।