विराटनगर, ३१ भदौ । ५७ औं राष्ट्रिय बाल दिवसको अवसरमा राउण्ड टेबल नेपालले देशभरि विभिन्न कार्यक्रम गरेको छ ।

राउण्ड टेबलले विभिन्न खेलकुदका अतिरिक्त, चित्रकला प्रतियोगितासमेत विद्यार्थी माझ सम्पन्न गरेको छ । दिवसकै अवसरमा विद्यार्थीहरुलाई केकसहित खाजासमेत वितरण गरिएको प्रदेश–१ प्रोजेक्ट कन्भेनर रभिश साहेवालाले जानकारी दिनुभयो ।

प्रदेश–१ को धरान, रंगेली, निमुवासहित काठमाडौं, भैरहवा, वीरगञ्ज, चितवन, धनगढीलगायतका स्थानमा बालदिवसका अवसरमा खेलकुद प्रतियोगिता, चित्रकला प्रतियोगिताका साथै स्टेशनरी सामग्री र खाजा वितरण गरेको साहेवालाले जानकारी दिनुभयो ।

राउण्ड टेबलका विभिन्न टेबलरहरुको सहभागिता रहेको कार्यक्रममा प्रतियोगिताका विजयीहरुलाई पुरस्कारसमेत वितरण गरिएको थियो । राउण्ड टेबल नेपालले विभिन्न विद्यालयको संरक्षण गर्दै आएको छ ।

राउण्ड टेबलले खानेपानी लगायतको व्यवस्थासहित विद्यालयको सौन्दर्यतामा जोड दिदै विद्यालयको नयाँ भवनसमेत निर्माण गरिदिएको छ ।