विराटनगर, १४ असार । विराटनगर २ स्थित जनता माध्यामिक विद्यालयका पूर्व विद्यार्थीहरुले विद्यालयका विद्यार्थीहरुलाई शैक्षिक सामग्री वितरण गरेका छन् ।

स्वं मनोहर रोक्का क्षेत्रीको ४५ दिनको स्मृति दिवसको अवसर पारेर विद्यालयमा एस.एल.सी.समूह २०३१ ले ६३ जना छात्र÷छात्राहरुलाई झोला तथा स्टेशनरी सामग्री वितरण गरेको हो ।

विद्यालयको सभाहलमा एक कार्यक्रम बीच पूर्व विद्यार्थीहरुले छात्र÷छात्राहरुलाई ती सामग्री वितरण गरेका हुन् । स्वं मनोहर रोक्का क्षेत्री सोही विद्यालयमा अध्ययन गरेर नेपाल प्रहरीमा लामो समयदेखि सेवा गर्दे डि.एस.पि. सम्म सेवा गर्नुभएको उहाँकी छोरी मेहीक रोक्काले जानकारी दिनुभयो ।

बुबाको पूण्य स्मृतिमा बुबासंगै पढनुहुने एस.एल.सी.समूह २०३१ का सवै पूर्व विद्यार्थीले विद्यालयका छात्र÷छात्राहरुलाई शैक्षिक सामग्री वितरण गर्न सहयोग गरेकोमा उहाँले धन्यवाद व्यक्त गर्नुभयो ।

स्वं मनोहर रोक्का क्षेत्री विद्यालयमा निकै लगनशिल विद्यार्थी रहेको उहाँको सहकर्मी साथी नारायण पराजुलीले स्मरण गर्नुभयो । कार्यक्रममा बरिष्ठ पत्रकार शिवबहादुर कार्की, विद्यालयका प्रधानाध्यापक सनद कोइराला र समाजसेवी कुमार रेग्मी लगायतले छात्र÷छात्राहरुलाई शैक्षिक सामग्री हस्तान्तरण गर्नुभएको थियो ।