विराटनगर, ९ असार । मोरङको रंगेली नगरपालिकामा चट्याङ लागेर एक जनाको ज्यान गएको छ । बुधबार रंगेली नगरपालिका–६ चोप्राहा स्थित नेवा टोलमा चट्याङ लगेर स्थानीय २३ वर्षीय युवक नितेश रायको मृत्यु भएको हो ।

घर नजिकै रहेको पिठारीको रुख मुनि बसिरहेको बेलामा अचानक चट्याङ लागेर घाइते भएका रायलाई उपचारका लागि रंगेली अस्पताल पु¥याउनना साथ मृत्यु भएको इलाका प्रहरी कार्यालय रंगेलीका प्रहरी निरिक्षक अनमोल खड्काले जानकारी दिनुभयो । उहाँका अनुसार चट्याङ लगेर अन्य चार जना घाइते भएका छन ।

स्थानीय २६ बर्षीय रविन मंण्डल, ५५ बर्षीय अशोक मंण्डल, १७ बर्षीय विजय मंण्डल र २५ बर्षिया संगिता यादव समेत घाइते भएको प्रहरी निरिक्षक खड्काले बताउनुभयो । उहाँका अनुसार घाइते सवैको रंगेली अस्पतालमा उपचार भइरहेको छ ।