कोरोना संक्रमणबाट काठमाडौंका मात्रै नौ जनाको मृत्यु भएको छ । काठमाडौंका तीन महिला र ६ पुरुषको मृत्यु भएको स्वास्थ्य मन्त्रालयले पुष्टि गरेको छ । त्यस्तै, ललितपुरका ३ वर्षीय बालकसहित चार पुरुषको निधन भएको छ ।

त्यस्तै, सर्लाहीका दुई, चितवन, नवलपरासीपूर्व र सुनसरीका एक/एक पुरुष र गोरखा र पर्साकी एक महिलाको कोरोना संक्रमणबाट मृत्यु भएको छ । योसँगै कोरोना संक्रमणबाट मृत्यु हुनेको संख्या ५ सय ५४ पुगेको छ । नेपालमा कोरोना संक्रमणबाट मृत्यु हुने दर ०.६२ प्रतिशत रहेको मन्त्रालयले जनाएको छ ।

आज देशभर २ सय ८२ जना जना संक्रमितको भेन्टिलेटर र आईसोलेसनमा उपचार भइरहेको छ । २ सय ४४ जना आईसीयूमा र ४३ जना संक्रमितको भेन्टिलेटरमा उपचार भइरहेको मन्त्रालयको तथ्यांक छ ।

मोरङ, सुनसरी, सिराहा, काठमाडौं, भक्तपुर, ललितपुर, चितवन र रूपन्देही जिल्लामा पाँच सयभन्दा बढी संक्रमित रहेका छन् भने मनाङ, मुस्ताङ, रूकुमपूर्व र डोल्पा भने संक्रमण शून्यमा झरेको छ ।

आज देशभर १३ हजार ७ सय ८१ जनाको परीक्षण गर्दा ९ सय ३७ महिला र १ हजार ५ सय ३ पुरुष गरी २ हजार ४ सय ४० जनामा कोरोना संक्रमण पुष्टि भएको छ । त्यस्तै, आज देशभरबाट १ हजार १ सय ३३ जना डिस्चार्ज भएका छन् ।