मन्त्रालयका अनुसार विराटनगरमा १२३ जनामा संक्रमण देखिएको छ । संक्रमण देखिएकामा ४७ महिला र ७६ पुरुष छन् । मोरङको सुन्दरहरैचामा चार महिला र पाँच पुरुष, पथरीशनिश्चरेमा दुई महिला र सात पुरुष, रंगेलीमा एक महिला र दुई पुरुष, कटहरी र बूढीगंगामा एक/एक पुरुषको रिपोर्ट पोजिटिभ आएको छ ।

उता, सुनसरीमा इटहरीमा दुई महिला र सात पुरुष, धरानमा दुई महिला र तीन पुरुष, दुहवीमा तीन पुरुष, हरिनगरमा दुई पुरुष, गढी र रामधुनीमा एक/एक पुरुष,  स्थानीय तह नखुलेका दुई पुरुष, झापाको मेचीनगरमा चार महिला र नौ पुरुष, भद्रपुरमा दुई महिला र दुई पुरुष, कनकाईमा दुई, दमक र विर्तामोडमा एक/एक पुरुष, तेह्रथुमको छथरमा एक महिला स्थानीय तह नखुलेका एक पुरुष र प्रदेश १ बाहिरमा पाँच पुरुषमा संक्रमण देखिएको सामाजिक विकास मन्त्रालयले जनाएको छ । योसँगै प्रदेश १ माकोरोना संक्रमितको संख्या ७ हजार १७७ पुगेको छ।

प्रदेश १ मा शुक्रबार १ सय ६६ जना डिस्चार्ज भएका छन् । होम आइसोलेसनबाट १५५, विराट मेडिकल कलेजबाट आठ, न्युरो अस्पतालबाट तीन जना डिस्चार्ज भएका छन् । हालसम्म ३ हजार ४३८ जना डिस्चार्ज भएका छन् ।

प्रदेश १ मा शुक्रबार आज ९५८ जनाको पीसीआर परीक्षण गरिएको छ । परीक्षण गरिएकामध्ये ६५ महिलार १३२ पुरुषको रिपोर्ट पोजिटिभ आएको छ । हालसम्म १ लाख २५ हजार ६८१ जनाको पीसीआर परीक्षण भएको सामाजिक विकास मन्त्रालयले जनाएको छ ।