उनका अनुसार सबैभन्दा धेरै बागमती प्रदेशमा आईसीयू बेड रहेका छन् । बागमती प्रदेशमा कोरोना संक्रमितको उपचारका लागि भनेर ६ सय ३० वटा आईसीयू बेड छुट्याइएको छ । त्यस्तै, सबैभन्दा कम सुदूरपश्चिम प्रदेशमा १८ वटा मात्र आईसीयू बेड रहेका छन् ।

मन्त्रालयका अनुसार प्रदेश १ मा ४३ वटा, प्रदेश २ मा ४५ वटा, गण्डकी प्रदेशमा १ सय ३७, प्रदेश ५ मा २९, कर्णाली प्रदेशमा ४० वटा आईसीयू बेड रहेका छन् ।

त्यस्तै, सरकारले कोरोना संक्रमणका जटिल बिरामीको उपचारमा आवश्यक पर्ने भेन्टिलेटरको संख्या पनि सार्वजनिक गरेको छ । देशभर ४ सय ९६ वटा भेन्टिलेटर रहेको मन्त्रालयले जनाएको छ ।

केन्द्रीय राजधानीसमेत रहेको बागमती प्रदेशमा सबैभन्दा धेरै ३ सय ६१ भेन्टिलेटर छन् । त्यस्तै, प्रदेश १ मा १९ वटा, प्रदेश २ मा १७ वटा, गण्डकी प्रदेशमा ५९ वटा, प्रदेश ५ मा १३ वटा, कर्णालीमा १७ वटा र सुदूरपश्चिम प्रदेशमा १० वटा भेन्टिलेटर छन् ।