काठमाडौं, १ साउन-नेपालमा बिहीबार थप १६७ जनामा कोरोना भाइरस संक्रमण देखिएको छ । स्वास्थ्य मन्त्रालयको नियमित पत्रकार सम्मेलनमा डा. जागेश्वर गौतमले देशभरका २७ वटा प्रयोगशालामा गरिएको परीक्षणमा थप १६७ जनामा कोरोना देखिएको बताए । उनका अनुसार नेपालमा सक्रिय संक्रमितको संख्या ६ हजार ५६  छ । कुल संक्रमितको संख्या १७ जार ३४४ पुगेको उनले बताए ।

स्वास्थ्य मन्त्रालयको तथ्यांकअनुसार पछिल्लो २४ घण्टामा २७ वटा प्रयोगशालामा ४ हजार ९८१ जनाको पीसीआर विधिबाट परीक्षण गरिएको छ । क्वारेन्टाइनमा रहेनको संख्या २३ हजार ५० छ भने ६ हजार ५६ जना आइसोलेसनमा रहेर उपचार गराइरहेका छन् ।