काठमाडौं, २१ जेठ-नेपालमा थप १ जनाको कोरोना संक्रमणबाट मृत्यु भएको छ । योसँग नेपालमा कोरोना भाइरस संक्रमणबाट मृत्यु हुनेको संख्या ९ पुगेको छ ।स्वास्थ्य मन्त्रालयका प्रवक्ता डा. विकास देवकोटाका अनुसार दोलखा ७६ वर्षीय पुरुषको महाराजगञ्जस्थित टिचिङ अस्पतालमा उपचारका क्रममा मृत्यु भएको हो ।

जेठको १३ गते काठमाडौं मेडिकल कलेज सिनामंगलमा भर्ना भएका उनलाई कोरोना संक्रमण देखिएपछि टिचिङमा सारिएको र आज उनको उपचारका क्रममा मृत्यु भएको प्रवक्ता देवकोटाले बताए ।

‘आज उहाँको मृत्यु भएको छ । उहाँलाई हेमोडाजिक स्टोक भएको थियो । अप्रेसशन भएको थियो । १५ गते स्वाबको परीक्षणपछि पोजेटिभ आएपछि टिचिङ अस्पतालमा सिफ्ट गरिएको थियो । उहाँको आज निधन भएको छ । यसरी कोभिड-१९ पोजिटिभबाट मृत्यु हुनेको संख्या ९ पुगेको छ ।’