विराटनगर, जेठ ६–मोरङको रतुवामाई नगरपालिकाका अति विपन्न ४ परिवारको घरमा राष्ट्रिय युवा संघले बिजुली जडान गरिदिएको छ । मदन आश्रित स्मृती दिवसको अवसर पोर राष्ट्रिय युवसंघ रतुवामाई नगर कमिटीले संगठनको आफ्नै खर्चमा आर्थिक अभावमा विद्युत लाइन जडान गर्न नसकेर अँध्यारोमा बस्दै आएका ४ घरमा विद्युत लाईन जडान गरिदिएको हो ।

युवा संघ रतुवामाईले वडा नं. ७ जामबाडीका सरकार हास्दा, गिता फुयाल, रत्नबहादुर कार्की र छत्र बहादुर बानियाको घरमा विद्युत जडान गरेको संयोजक राम कार्कीले जानकारी दिए ।

उनले जननेता मदन भण्डारी र आश्रितको नीति तथा सिद्धान्तलाई आत्मसाथ गर्दै अति विपन्न परिवारलाई बिजुली बाल्न सहयोग गरिएको बताए । ‘उहाँहरुले अझैसम्म पनि बिजुुलीको अनुभव गर्नुभएको थिएन ।’ उनले भने,‘विद्युत विना अन्धकारमा बस्दै आएको हुनाले सम्पुर्ण सामाग्री र ५ महिनाको बिजुली बिल सहित सबै खर्च समेत हामी आफैले व्यहोर्दै जडान गरेका हौँ ।’

उनले हाललाई अरुको घरबाट मासिक शुल्क तिर्नेगरी विद्युत लाइन तानिएको बताए । कार्कीले चारवटै परिवारका लागि ५ महिनाको अग्रीमरुपमा एकमुष्ट शुल्क तिरीदिएर लाइन तानेको र लक डाउनपछी सवैको घरमा मिटर समेत राख्न पहल गरिने जानकारी दिए ।

अध्यक्ष कार्कीले उक्त घरहरुमा बिजुली जडान गर्दै आफुहरुले आर्थिक अवस्थाकै कारण विद्युत उपभोग गर्नबाट बञ्चित हुँदै आएका सवै घरमा उज्यालो बनाउने अभियानको सुरुवात गरेको जानकारी दिए । ‘जबसम्म रतुवामाईमा सवै अति विपन्न परिवारको घरमा अन्धकारको अन्त्य हुँदैन तब सम्म हाम्रो अभियान जारी रहन्छ ।’ उनले भने ।

उनले अति विपन्न जनताका आधारभुत आवश्यकता पूरा भएमात्र जननेता मदन भण्डारी र जिवराज आश्रितको योगदान र विचारको सम्मान हुने बताउँदै नेताहरुलाई यस तर्फ ध्यान दिन आग्रह गरे ।

अध्यक्ष कार्कीले भण्डारी र आश्रितको योगदान तथा विचारको सम्मानका लागि नेकपामा गुट र फुटको अन्त्य गरि एकजुट भएर शुखि नेपाली समृद्ध नेपाल बनाउने अभियानमा लाग्नुपर्ने बताए । घरमा बिजुली जोडिएपछी चारै परिवारका सदस्यहरु हर्षित भएका छन् ।