काठमाडौं, ६ वैशाख-भारत धार्चुलाको बालुवाकोटमा क्वारेन्टाइन बसेको अवस्थामा दार्चुला घरमा आमा बितेपछि वासुदेव भट्ट क्वारेन्टाइनमा नै किरिया बसेका छन् ।

क्वारेन्टाइनमा नै किरिया बसेको तस्विर सामाजिक सञ्जालमा फैलिएपछि दार्चुलाका प्रमुख जिल्ला अधिकारी यदुनाथ पौडेलले भारतीय पक्षसँग छोडि दिन कुराकानी गरेका थिए ।

उनलाई भारतीय पक्षले मौखिक छोड्दा हामीलाई गाह्रो हुन्छ भनेपछि किरिया बसेका भट्टलाई नेपाल पठाई दिन प्रजिअ पौडेलले लिखित पत्र पठाए ।

उनले लिखित जानकारी पठाएको दिन भारतीय पक्षका पिथौरागढ सबडिस्ट्रिक म्याजिस्ट्रेट विदामा भएको कारण दोस्रो दिन उनले डिएमलाई पठाएको र डिएमले मुख्यमन्त्री कार्यालय देरादून पठाएका छन् ।

उनीहरुले यो त केन्द्रको काम भन्दै दिल्ली पठाउँदा ढीला भएको प्रजिअ पौडेलले बताए । उनले भने, ‘मैले पत्र पठाउँदा उताको प्रमुख विदामा । दोस्रो दिन डिएम कार्यालय, त्यहाँबाट मुख्यमन्त्री कार्यालय देरादून र त्यहाँबाट दिल्ली गृहमन्त्रालय पत्र पठाए छन् । उताबाट आदेश नआउँदा ढिला भएको हो । हामीले सबै प्रक्रिया पूरा गरी सकेका छौ ।’