काठमाडौं, २ वैशाख-काठमाडौं पेप्सीकोला टाउन प्लालिङस्थित सनसिटीमा कोरोना भाइरस संक्रमण देखिका २ जनासँगै कतार एयरवेजको विमानबाट १ सय ५३ जना आएको खुलेको छ ।

उनीहरू बेलायतबाट दोहा ट्रान्जिट भएर काठमाडौं आएका प्रहरी प्रवक्ता एसएसपी उमेस राज जोशीले जानकारी दिए । उनका अनुसार नेपाल आउनेहरू कतारको दोहाबाट क्यूआर ६४४ विमानमार्फत ४ चैत गते नेपाल आएका थिए । उनीहरू सबैको ठेगाना पत्ता लगाउने काम भइ रहेको छ ।

बेलायतबाट नेपाल आएका एकै परिवारका ३ मध्ये २ व्यक्ति ५९ वर्षीय पुरुष र ८१ वर्षीया महिलामा कोरोना भाइरस पुष्टि भएको हो । अर्का व्यक्तिको नमुना परीक्षण भइरहेको स्वास्थ्य तथा जनसंख्या मन्त्रालयले जनाएको छ । अहिले उनीहरूको ललितपुरको पाटन अस्पतालको आइसोलेसनमा उपचार भइरहेको छ ।