एजेन्सी, बैशाख १- भारतको नयाँ दिल्लीको साकेतस्थित म्याक्स अस्पतालका ३९ जनालाई क्वारेन्टाइनमा पठाइएको छ । सो अस्पतालले १ जना डाक्टर, एक नर्स र एक सहायक कर्मचारीलाई कोरोना भाइरस संक्रमण भएको पाइएपछि उनीहरुलाई क्वारेन्टाइनमा पठाइएको हो ।

यसअघि अस्पतालले क्वारेन्टाइनमा राखिएका कर्मचारी दुई जना कोरोना संक्रमित बिरामीको सम्पर्कमा पुगेको बताएको सथयो ।कोरोना संक्रमितको सम्पर्कमा पुगेपछि अन्य कर्मचारीमा पनि संक्रमण फैलिन सक्ने भन्दै उनीहरुलाई क्वारेन्टाइनमा पठाइएको थियो ।

उनीहरु दुवै जना मुटुको उपचारका लागि अस्पताल भर्ना भएका थिए । तर परीक्षणका क्रममा उनीहरुमा कोरोना भाइरस संक्रमण देखिएको थियो । क्वारेन्टाइनमा राखिएका सबै ३९ जना कर्मचारीको कोरोना संक्रमणको परीक्षण हुनेछ ।