काठमाडौं, फागुन १९–प्रधानमन्त्री केपी शर्मा ओलीको सफल शल्यक्रियाका लागि भारतीय प्रधानमन्त्री नरेन्द्र मोदीले शुभकामना व्यक्त गरेका छन् । मोदीले सोमबार बिहान ट्विट गर्दै नेपाली समकक्षी ओलीको सफल शल्यक्रिया र शीघ्र स्वास्थ्यलाभको कामना गरेका हुन् ।

मोदीको ट्विटमा भनिएको छ, ‘मेरा प्रिय साथी केपी शर्मा ओली जी, तपाईंको सफल शल्यक्रिया र शीघ्र स्वास्थ्यलाभको कामना गर्दछु । भगवान पशुपतिनाथले राम्रो स्वास्थ्य, खुशी र दीर्घ जीवन प्रदान गरुन भन्ने कामना गर्दछु ।’

उनले नेपाल–भारतबीचको सम्बन्धलाई थप उचाइमा पुर्याउन ओलीको निरन्तर योगदानको प्रतीक्षामा आफू रहेको पनि मोदीले उल्लेख गरेका छन् । प्रधानमन्त्री ओली मृगौला प्रत्यारोपणका लागि आज साँझ त्रिवि शिक्षण अस्पताल महाराजगञ्ज भर्ना हुँदैछन् ।