विराटनगर । विराटनगरमा जारी चौथो संस्करणको एसइइ कप अन्तरविद्यालय स्तरीय रनिङ शिल्ड फुटबल प्रतियोगिताको सेमिफाइनल समिकरण पूरा भएको छ । मंगलबार सम्पन्न क्वार्टरफाइनल चरणका खेलपछि डनबस्को, आदर्श, दिल्ली पब्लिक स्कुल (डिपिएस) र साइ चिल्ड्रेन होम स्कुल अन्तिम चारमा प्रवेश गरेका हुन् ।

प्रतियोगिताको पहिलो क्वार्टरफाइनल खेलमा डनबस्को स्कुलले सनसान सेकेन्डरी बोर्डिङ स्कुललाई १–० गोल अन्तरले पराजित गर्दै सेमिफाइनलको यात्रा तय गर्‍यो । डनबस्कोका धनुज राजवंशीले निर्णायक गोल गर्दै टोलीलाई जित दिलाएका थिए । उत्कृष्ट प्रदर्शनका लागि उनी खेलको प्लेयर अफ द म्याच घोषित भए ।

दोस्रो खेलमा आदर्श बोर्डिङ स्कुलले राधाकृष्ण माविलाई १–० ले पराजित गर्‍यो । बाल आदर्शका शाही चौधरीले एकमात्र गोल गर्दै टोलीको जित सुनिश्चित गरे । उनी पनि खेलको ुप्लेयर अफ द म्याचु घोषित भए ।

तेस्रो क्वार्टरफाइनलमा डिपिएस विराटनगरले सरस्वती माविलाई ३–१ ले पराजित गर्‍यो । डिपिएसका अमन खवासले दुई गोल गर्दा जेनिल बिष्टले एक गोल गरे । सरस्वती स्कुलका लागि रोजल सुनुवारले सान्त्वना गोल फर्काए । उत्कृष्ट प्रदर्शनका लागि अमन खवास ‘म्यान अफ द म्याच’ घोषित भए ।

चौथो तथा अन्तिम क्वार्टरफाइनल खेलमा इटहरीस्थित साइ चिल्ड्रेन होम स्कुलले स्मृति बोर्डिङ स्कुललाई १–० गोल अन्तरले हरायो । निर्णायक गोल सुदीप सरदारले गरे । उनी खेलको ‘प्लेयर अफ द म्याच’ घोषित भए ।

सेमिफाइनल खेल असार १७ गते ९बुधबार० हुनेछन् । पहिलो सेमिफाइनलमा डनबस्को स्कुल र डिपिएस भिड्ने छन् भने दोस्रो सेमिफाइनल खेल बाल आदर्श बोर्डिङ स्कुल इटहरी र साइ चिल्ड्रेन होम इटहरीबीच हुनेछ ।

प्रतियोगिताको फाइनल खेल असार १९ गतेका लागि तय गरिएको छ । प्रतियोगिता संयोजक विक्की कार्कीले जानकारी दिएअनुसार फाइनल खेल विराटनगरस्थित आयोजक मैदानमा हुनेछ ।