विराटनगर । चौथो संस्करणको एसइइ कप अन्तर विद्यालय स्तरीय रनिङ शिल्ड फुटबल प्रतियोगिता चार वटा स्कुल विजय भएका छन् । विराटनगरमा बुधबार खेलमा अपर्ण, डिपिएस, स्मृति र शारदा स्कुल विजयी भएको हो ।
प्रतियोगिताको पहिलो खेलमा अर्पण सेकेन्डरी बोर्डिङ स्कुलले विराट शिक्षा निकेतनलाई १–० गोलले पराजित गर्यो । जितको लागि अर्पणको तर्फबाट राजन थापाले निर्णायक गाल गर्दै उनी खेलको प्यलेर अफ द म्याच घोषित भए ।
दोस्रो खेलमा डिपीएस स्कुलले दर्पण स्कुललाई ३–० गोले हरायो । डिपिएसको तर्फबाट अमन खवासले दुई गोल र जेनिल बिष्टले एक गोल गरे । खेलको प्लेयर अफ द म्याच डिपिएसकका विष्ट घोषित भए ।
तेस्रो खेलमा स्मृति स्कुलले युनिक एकेडेमीलाई २–० गोलले पराजित गरेको छ । स्मृतिको तर्फबाट सौगात चौधरीले दुई गोल गरेका थिए । स्मृति स्कुलका सौगात चौधरी प्लेर अफ द म्याच घोषित भए ।