विराटनगर । नेपाल औषधि व्यवसायी संघ मोरङ जिल्ला शाखाले आगामी असार १० गते संघको ५२औं स्थापना दिवस मनाउने भएको छ। सप्ताहव्यापी कार्यक्रमका साथ मनाइने यस स्थापना दिवसको तयारी तीव्र गतिमा भइरहेको छ।
संघका अध्यक्ष देशबन्धु ढकालले दिएको जानकारी अनुसार स्थापना दिवसका अवसरमा सामाजिक तथा विभिन्न कार्यक्रमहरू आयोजना गरिने छ।
‘हाम्रो संघको ५२ औं स्थापना दिवस एक महत्वपूर्ण उपलब्धि हो। यस अवसरमा हामी औषधि क्षेत्रका व्यवसायीहरुलाई एकजुट गराउने र समाजसेवामुलक कार्यक्रमहरू सञ्चालन गर्नेछौं,’ अध्यक्ष ढकालले भने।
सप्ताहभरी चल्ने यस कार्यक्रममा स्थानीय औषधि व्यवसायीहरूको सक्रिय सहभागिता हुने अपेक्षा गरिएको छ। संघले यस अवसरमा औषधि क्षेत्रको विकास र जनस्वास्थ्य सेवामा आफ्नो भूमिकालाई थप प्रभावकारी बनाउने दिशामा छलफल गर्ने जनाएको छ।
मोरङ जिल्लामा औषधि व्यवसायको विकासमा महत्वपूर्ण भूमिका खेल्दै आएको यस संघले विगत ५२ वर्षदेखि औषधि व्यवसायीहरूको हित संरक्षण र पेशागत विकासमा निरन्तर काम गर्दै आएको छ।