ग्रडेड स्कुलमा फुड फिस्टा
विराटनगर । विराटनगरमा रहेको ग्रेडेड स्कुलमा एक दिने फुड फिस्टा आयोजना गरेको छ । बिद्यालय परिसरमा उक्त फुट फिस्टा आयोजना गरेको हो । कार्यक्रममा कक्षा ६ देखि ८ सम्मका बिद्यार्थीहरु सहभागी भएका थिए । विद्यार्थीहरुलाइ...
काठमाडौँ — देशभरका परीक्षा केन्द्रमा आइतबार देखि कक्षा १२ को परीक्षा सुरु भएको छ। राष्ट्रिय परीक्षा बोर्डका अनुसार देशभरबाट ५ लाख ११ हजार ५ सय २५ विद्यार्थी परीक्षा दिइरहेका छन्।
तीमध्ये ३ लाख ९५ हजार ९ सय ८ जना नियमित र १ लाख १५ हजार ६ सय १७ जना आंशिक परीक्षार्थी छन्। परीक्षा ५ हजार २ सय २ विद्यालयका विद्यार्थीले दिइरहेका छन्, जसका लागि देशभर १ हजार ५ सय ९१ परीक्षा केन्द्र तोकिएको छ।
जापानस्थित एभरेस्ट स्कुलका ३८ विद्यार्थीले त्यहींबाट परीक्षा दिइरहेका छन् भने ७७ वटै जिल्लाबाट सहभागीता रहेको छ। सबैभन्दा धेरै विद्यार्थी काठमाडौंबाट ६८ हजार १ सय ३३ जना सहभागी छन् भने सबैभन्दा कम मनाङबाट ४५ जना छन्।
काठमाडौंमा सबैभन्दा धेरै १ सय ६२ परीक्षा केन्द्र तोकिएका छन्, जब कि मनाङ र मुस्ताङमा एक(एक केन्द्र मात्र छन्।
परीक्षा सञ्चालनमा ४८ हजार २ सय ९ जना जनशक्ति खटिएका छन्। शिक्षक आन्दोलनका कारण परीक्षा १० दिन ढिलाइ भएर सुरु भएको हो।
परीक्षा नियन्त्रण कार्यालयले परीक्षा स्वच्छ, मर्यादित, अनुशासित, व्यवस्थित र विद्यार्थीमैत्री बनाउन सबै पक्षसँग सहयोगको अपिल गरेको छ।
प्रदेशगत रूपमा बागमती प्रदेशबाट सबैभन्दा धेरै १ लाख ३५ हजार २ सय ४० परीक्षार्थी सहभागी छन् भने कर्णाली प्रदेशबाट सबैभन्दा कम ३८ हजार ८ सय ८८ जना छन्।
परीक्षामा अनियमितता रोक्न प्रमुख जिल्ला अधिकारीको अध्यक्षतामा जिल्ला परीक्षा समन्वय समिति गठन गरिएको छ। परीक्षा अवधिभर केन्द्राध्यक्षबाहेक अरूलाई मोबाइल फोन लैजान निषेध गरिएको छ।
प्रश्नपत्र विद्युतीय माध्यमबाट परीक्षा सुरु हुनुभन्दा आधा घण्टा अघिमात्र केन्द्रमा डाउनलोड गरिनेछ।
यस्तै, शिक्षक आन्दोलनका कारण रोकिएको एसईईको उत्तरपुस्तिका परीक्षण सुरु भएको बोर्डले जनाएको छ। परीक्षणमा ढिलाइ भएकाले असार पहिलो साता सार्वजनिक गर्ने भनिएको नतिजा केही दिन ढिलो हुने अनुमान गरिएको छ।
