विराटनगर । नेपाल कराते महासंघले आफ्नो दोस्रो वार्षिक साधारण सभा निजगढ, बारामा सफलतापूर्वक सम्पन्न गरेको छ। सभाले केही महत्वपूर्ण निर्णयहरू गरेको छ। साधरणसभामा कराते खेलाडी एरिका गुरुङलाई हिमालयन वारियर उपनामले सम्मानित गरिएको छ । राष्ट्रिय टिम तयारीका लागि प्रमुख प्रशिक्षक र टिम म्यानेजरको कार्यविधि पारित गरियो छ । राष्ट्रिय टिम प्रशिक्षक कुशल श्रेष्ठ, मन्डे काजी श्रेष्ठ, राष्ट्रिय टिम छनौट समिति संयोजक दावा गुरुङ र सदस्यहरूलाई दुई वर्षको पदक उपलब्धिका लागि धन्यवाद दिइएको छ ।
सभाको उद्घाटन सांसद माला लामाद्वारा गरिएको थियो। कार्यक्रममा सातै प्रदेशका ३५ प्रतिनिधि, १४ कार्यसमिति सदस्य, १७ पर्यवेक्षक र २१ विशिष्ट अतिथिहरूको उल्लेखनीय उपस्थिति रहेको थियो।