विराटनगर । विराटनगर – १५ रानीस्थित राईजिङ्ग इर्ङ्लिस स्कुलको ३४ औं वार्षिकोत्सव विभिन्न कार्यक्रम आयोजना गरि मनाएको छ । स्कुल परिसरमा सोमबार विविद्य कार्यक्रम आयोजना गरी वार्षिकोत्सव मनाएको हो ।
कोशी प्रदेश सभा सदस्य अमृत अर्यालयको प्रमुख अतिथिमा भएको उक्त कार्यक्रममा बोल्दै उहाँले विद्यालयले गुणस्तरीय शिक्षासँगै सिप र संस्कारसहितको शिक्षा दिएर अगाडी बढनुपर्नेमा जोड दिनुभयो ।
कार्यक्रममा विद्यार्थीहरुले साँस्कृतिक नृत्य, गीत र फेशन सो देखाएर विद्यार्थीहरुलाई रमाइलो प्रदान गरे । कार्यक्रममा स्कुलमा अध्यनरत प्रथम, द्धितीय र तृतीय हुने उत्कृष्ट विद्यार्थीहरुलाई पुरस्कार वितरण पनि गरिएको थियो ।
कार्यक्रममा बोल्दै विद्यालयका अध्यक्ष फैयाज राईनले गुणस्तरीय शिक्षा प्रदान गरेर विद्यालयले राष्ट्रलाई आवश्यक गर्ने दक्ष जनशक्ति उत्पादन गर्दै आएको बताउनुभयो ।
विद्यालयका प्रिन्सिपल असलम आलमले विद्यार्थीहरुलाई सीप र संस्कारसहित गुणस्तरीय शिक्षा प्रदान गरेर रोजगारमुखी शिक्षा दिदै आएको बताउनुभयो । कक्षा नर्सरीदेखि १० सम्म पढाइ हुने विद्यालयमा ६ सय बढी विद्यार्थीहरुको सहभागिता रहेको उहाँले बताउनुभयो ।