विराटनगर । मोरङको कटहरीमा जारी प्रथम पालिकास्तरीय अध्यक्ष कप फुटबल प्रतियोगिता सुनसरीको खनारको फाइभस्टार क्लब र इटहरीको श्री शान्ति युवा क्लब विजयी भएको छ ।
कटहरी गाँउपालिका ५ को खेलमैदान बिहीबार भएको पहिलो खेलमा बुढीगंगा गाउँपालिकाको सुक्चर युवा क्लबलाई २–१ गोलले हराउँदै फाइभ स्टार क्लब विजयी भएको हो । खेलको म्यानफाइभस्टारका सुमन चौधरी घोषित भए ।
सोही दिन भएको दोस्रो खेलमा ग्रामथान गाउँपालिको जुनियर फुटबल क्लबलाई टाइब्रेकरमा ३–१ गोलले हराउँदै श्री शान्ति युवा क्लब विजयी भएको हो । प्रतियोगिताको म्यान अफ द म्याच शान्ति युवा क्लबका अमन थारु घोषित भए ।

फागुन ७ गते देखि १७ गते सम्म आयोजना गरिने सो फुटबल प्रतियोगितामा कटहरी गाँउपालिकाको ७ वटा वडाका १० वटा टिमहरु र अन्य पालिकाका ६ वटा टिम गरी १६ वटा टिमले भाग लिईरहेका छन् । प्रतियोगिताको विजयी टिमले १ लाख १ हजार नगद सहित ट्रफी र उपविजेताले ५१ हजार रुपैया सहित ट्रफी प्राप्त गर्ने कटहरी गाँउपालिकाले जनाएको छ । प्रतियोगिताका लागि बजेट ५ लाख रुपैया विनियोजन गरेको छ ।