विराटनगर । नेपाल चिकित्कस संघ कोशी प्रदेशले नयाँ वर्षको अवसर पारेर शुभकामना आदन प्रदान कार्यक्रम आयोजना गरेको छ । विराटनगरमा बुधबार एक कार्यक्रम आयोजना गरी अंग्रेजी नयाँ वर्षको अवसर पारेर शुभकामना आदान प्रदान कार्यक्रम आयोजना गरेको हो ।
संघले दुई चरणमा कार्यक्रम आयोजना गरेको छ । पहिलो चरणको औपचारिक कार्यक्रम संघका महासचिव डा. बालकृष्ण साहले संचालन गरेको कार्यक्रममा अध्यक्ष डा. राजेन्द्र चौधरीको अध्यक्षतामा सम्पन्न भएको थियो ।
नेपाल चिकित्सक संघ कोशीका सदस्य तथा कल्चरल समितिका कोर्डिनेटर डा. रितेश कुमार सिंहले चिकित्सक र चिकित्सक एकताका लागि नयाँ वर्षमा शुभकामना कार्यक्रम राखिएको बताए । सोही अवसरमा विमा पारेमा पनि जानकारी गराएको थियो । आर्थिक व्यवस्थापनमा विमाले मद्दत गर्न सक्छन् र चिकित्सकहरुका लागि उपयुक्त हुने विमाका विभिन्न पोलिसिहरुका बारेमा नेशनल लाईफ ईन्सुरेन्स कम्पनी लिमिटेड, विराटनगर शाखाका प्रबन्धक डम्बर बहादुर वादिले सहजिकरण गरेका थिए ।
कार्यक्रममा बोल्दै नेपाल चिकित्सक संघ कोशीका पुर्व अध्यक्ष तथा सल्लाहकार डा. शितल प्रसाद यादवले नयाँ बर्षको शुभकामना व्यक्त गर्र्दै पछिल्लो समयमा चिकित्सक संघले सक्रिय रुपमा गतिविधि गर्दै आएको बताए । चिकित्सकहरुको हकहितमा एनएमे लागि परेको उनले बताए ।
कार्यक्रममा नेशनल लाईफ ईन्सुरेन्स कम्पनी लिमिटेडका कोशी प्रदेश प्रमुख नगेन्द्र राईले कार्यक्रमलाई एकै पटक धेरै चिकित्सकहरुसंग भेट्ने अवसरका रुपमा लिएको बताए । राईले संघका भवन निर्माणका लागि नेशनल लाइफ ईन्सुरेन्सले आर्थिक सहयोग समेत गर्ने प्रतिब्द्धता व्यक्त गर्दै स्वास्थ सेवा दिने चिकित्सकको संस्थासंग जोडिएर अगाडि बढ्न सधै सकारात्मक रहने बताए ।
संघका अध्यक्ष डा. राजेन्द्र चौधरीले चिकित्सकहरुको हकहितमा संघ सधै लागि पर्दै नयाँ वर्षमा शुभकामना राखिएको बताए ।
सोही अवसरमा स्मृति व्याण्डले सांगीतिक प्रस्तुती रहेको थियो । स्मृति ब्याण्डका कलाकाहरुले लागतार ३ घण्टा सांगीतिक प्रस्तुती दिएर रमाइलो गरे ।