विराटनगर । विराटनगर – १६ मा रहेको गौतम बुद्ध स्कुलमा गौतम बुद्ध स्पोर्ट्स मिट सुरु भएको छ । स्कुल परिसरमा बिहीबारदेखि दुई दिने स्पोर्ट्स मिट सुरु भएको हो ।
स्पोर्ट्स मिट सुरु हुनुभन्दा अगाडी विद्यार्थीहरुले वृहत रर्याली निकालेका छन् । स्कुल परिसरदेखि सुरु भएको रर्यालीले विराटनगर १५ र १६ नम्बर वडा परिक्रमा गरेको थियो । रर्याली पछि गौतम बुद्ध स्पोर्ट्स मिट सुरु भएको स्कुलकी भाइस प्रिन्सिपल निकिता ताम्राकार सुवालले बताइन् । दुई दिनसम्म संचालन हुने स्पोर्ट्स मिटमा दुई दर्जन बढी खेलहरु समावेश गरिएको उनले जानकारी दिइन् । जसमा १०० मिटर दौड, स्वलो साइकल रेस, कवडी, टेबल रेस, म्याथ रेसलगायतका खेलहरु समावेश गरिएको छ ।
स्पोर्ट्स मिटमा प्रथम, द्धितीय र तृतीय हुने विद्यार्थीहरुलाई स्कुलले पुरस्कार समेत बितरण गर्नेछ । गुणस्तरीय शिक्षासँगै अतिरिक्त क्रियाकलपामा समेत अगाडी बढाउने उद्देश्यले विद्यालयले प्रत्येक वर्ष स्पोर्ट्स मिट आयोजना गर्दै आएको स्कुलका प्रिन्सिपल केशवलाल सिंह सुवालले जानकारी दिए । ‘विद्यार्थीहरुमा भएको प्रतिभा उजार गर्न पनि हामीले यस्तो स्पोर्ट्स मिट प्रत्येक वर्ष गर्दै आएका छौं,’ प्रिन्सिपल सुवालले भने, ‘गौतम बुद्धले गर्ने स्पोर्ट्स मिट भव्य र सभ्य तरिकाको हुने गरेको छ ।’
नर्सरीदेखि कक्षा १० सम्म अध्ययरत एक हजार बढी विद्यार्थीहरुले गौतम बुद्ध स्पोर्ट्स मिटमा भाग लिएका छन् ।