विराटनगर । रोटरी क्लब अफ विराटनगर डाउन टाउनको आयोजनामा विराटनगर–१२ स्थित बखरीमा पाठेघर रोग सम्वन्धी शिविर सम्पन्न भएको छ । क्लबले बख्री स्वास्थ्य चौकीमा महिलाहरूका लागि पाठेघरको क्यान्सर रोग सम्वन्धी शिविर आयोजना गरेको हो ।

कार्यक्रम करुणा फाउन्डेसन नेपाल र विराटनगर महानगरपालिकासँगको साझेदारीमा शिविर संचालन गरिएको थियो । करुणा फाउन्डेसनका कार्यक्रम अधिकृतहरूको निगरानीमा एक डाक्टर र एक नर्सले परीक्षण गरे । नगरपालिकाका तीन स्वास्थ्यकर्मीहरूको पनि सहभागीता रहेको थियो ।

बिरामीहरूको परीक्षण भिआईए विधिबाट गरियो । जसमा तीन जना विरामी फेला परेका छन् । जसमध्ये २ जनालाई थर्मोकॉगुलेसन मेसिन प्रयोग गरेर शिविरमै उपचार गरियो भने १ जनालाई थप उपचारको लागि कोशी अस्पतालमा रिफर गरिएको छ । शिविरमा ५० जना महिलाहरूले परिक्षण गराएको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् ।