विराटनगर । विराटनगरस्थित सगरमाथा स्कुलमा सगरमाथा स्पोर्ट्स मिट सुरू भएको छ । एक कार्यक्रम आयोजना गरि पाँच दिनसम्म संचालन हुने सगरमाथा स्पोर्ट्स मिट शुक्रबारदेखि सुरू भएको हो ।

सगरमाथा स्पोर्ट्स मिटको उद्घाटन स्कुलका प्रिन्सिपल त्रिलोचन गौतमले गरे । कार्यक्रममा बोल्दै प्रिन्सिपल गौतममले गुणस्तरीय शिक्षा संगै विद्यार्थीको प्रतिभा उजार गर्न अतिरिक्त क्रियाकलापमा बिशेष जोड दिएको बताए।

नर्सिरिदेख कक्षा १० सम्मका विद्यार्थी सगरमाथा स्पोट्स मिटमा भाग लिनेछन् । मंगलबार सम्पन्न हुने सगरमाथा स्पोट्स मिटमा क्रिकेट, भलिबल, बास्केटबल, एथलेटिक्स, टेबलटेनिस, चेसलगायतका दर्शन बढि खेलकुद हुने भाइस प्रिन्सिपल रोहिणी रमण दवाडीले जानकारी दिए ।
सगरमाथा स्कुलले प्रत्येक वर्ष स्पोट्स मिट गर्दै आएको छ । विद्यार्थीहरुको प्रतिभा उजागर गर्ने उदेश्यले यस्तो कार्यक्रम गर्दै आएको उनले बताए ।