विराटनगर । विराटनगरस्थित हिमालय दर्शन कलेजका ९५ जना विद्यार्थी दिक्षित भएका छन् । कलेजले विराटनगरमा आज एक कार्यक्रम आयोजना गरी बिएचम, विसिए, विआइएम र विएससी सिएसआइटीका ९५ जना विद्यार्थीलाई दिक्षित गरेको हो ।

दिक्षित भएका विद्यार्थीहरुलाई कार्यक्रमको प्रमुख अतिथि पूर्वाञ्चल विश्व विद्यालयका उपकुलपति प्राडा बिजु थपलिया, कलेज प्रमुख भरत सापकोटा, निर्देशकहरु प्राडा प्रमोदकुमार झा, भेषराज पोखरेल , शैलेन्द्र शिवाकोटी, ज्ञानबहादुर खड्कालगायतले प्रमाणपत्र वितरण गरेका थिए । विआइएम, विसिए, विएससी सिएसआइटीको सेमिस्टर अध्ययन पूरा गरी उत्तिर्ण भएका विद्यार्थीहरुलाई दिक्षित गरिएको कलेज प्रमुख सापकोटाले बताए ।

उनले देशको लागि दक्ष जनशक्ति हिमालय दर्शन कलेजले उत्पादन गरेको बताए । गुणस्तरीय शिक्षासँगै कलेजले दक्ष जनशक्ति उत्पादन गर्दै आएको उनको भनाई छ । कार्यक्रममा बोल्दै पूर्वाञ्चल विश्व विद्यालयका उपकुलपति प्राडा थपलियाले गुणस्तरीय शिक्षासँगै अहिलेको आवश्यकता प्रवधियुक्त शिक्षा रहेको बताए । सोही अवसरमा कलेज विभिन्न संकायमा टप गर्ने विद्यार्थीहरुलाई नगदसहित सम्मान पनि गरेको छ । कलेजले आठौं सेमिस्टर टपरहरु विएससी सिएसआइटीकी प्रतिमा कुमारी चौधरी र विआइएमकी पुजा पाण्डेलाई नगदसहित सम्मान गरियो । त्यसैगरी उत्कृष्ट विद्यार्थीहरु विएससी सिएसआइटीका ममताकुमारी माझी थारु, विसिएकी सिवानी साह, विआइएमकी मेनुका थान्दार र विएचएमका देवबहादुर श्रेष्ठलाई सम्मान गरिएको छ ।