विराटनगर । रोटरी क्लब अफ विराटनगर डाउनटाउनले मोरङको जहदा गाउँपालिकाको एक विद्यालयलाई डेस्क÷बेन्च वितरण गरेको छ । बाल दिवसको अवसर पारेर डाउनटाउनले जहदास्थित श्री जनता बाल आधारभूत विद्यालयलाई डेस्क/बेन्च वितरण गरेको हो ।

विद्यार्थीको अध्ययनमा सजिलो होस भनेर सो विद्यालयलाई ११/११ थान डेस्क र बेन्च वितरण गरिएको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् ।

सो अवसरमा क्लबले विद्यार्थीहरु सँग बाल दिवस समेत मनाएको छ । बालबालिकाका लागि बाल विकासलाई प्रोत्साहन गर्दै केही खेल र प्रतियोगिताहरू समेत आयोजना गरिएको थियो । कार्यक्रममा वडाध्यक्ष बाबुराम राजवंशी, जहदा गाउँपालिकाका शिक्षा अधिकृत दिपक खनाल, रोटरी क्लब अफ विराटनगर डाउनटाउनका पदाधिकारी र सदस्यहरुको उपस्थिती रहेको थियो ।