विराटनगर । नेपाल खेलकुद महासंघ दुहवी नगर कमिटीको अध्यक्षमा धिरज राई निर्वाचित भएका छन् । दुहवीमा मंगगलबार सम्पन्न नगर कमिटीको दोस्रो अधिवेशनबाट राई अध्यक्षमा सर्वसम्मत रुपमा निर्वाचित भएका हुन् ।

कमिटिको उपाध्यक्षमा सहवाज आलम, रचना राई , सचिवमा अनुज कट्वाल , उपसचिवमा आशु मण्डल , अनिता राई र कोषाध्यक्षमा आशिष कुमार तब्दार रहेका छन् ।

दोस्रो नगर अधिवेशको उद्धाटन गर्दै नेपाल खेलकुद महासंघका केन्द्रीय अध्यक्ष तथा कोशी प्रदेश खेलकुद विकास बोर्डका सदस्य सचिव पर्शुराम बस्नेतले खेलकुद क्षेत्र नेपाललाई विश्व माझ चिनाउने शसक्त माध्यम भएको बताए । उनले राज्यले खेलकुदलाई सफ्ट पावरुका रूपमा लगानी गर्दै अघि बढाउने गरि नीति निर्माणमा लाग्नु पर्नेमा जोड दिए ।

उनले निर्वाचित कमिटीलाई महासंघको केन्द्रीय नीति, एक कमिटी , एक खेलकुद गतिविधि, एक कमिटी , एक रचानात्मक गतिविधिलाई अनुसरण गर्दै कार्यक्रम गर्न शुभकामना दिए ।

कार्यक्रममा महासंघका केन्द्रीय सचिव तथा कोशी प्रदेश इञ्चार्ज विप्लव घोष , स्थायी कमिटी सदस्य तथा दुहवी इञ्चार्ज सन्तोषी श्रेष्ठ , महासंघ सुनसरी अध्यक्ष विकल पौडल लगायतले शुभकामना दिए ।