विराटनगर । तेली कल्याण समाज नेपाल महानगर समितिले विराटनगरमा निःशुल्क उच्च रक्तचाप र थाईराइडको परीक्षण गरेको छ । विराटनगर ८ अशोक चौकमा शनिबार निःशुल्क उच्चरक्तचाप र थाईराइड परीक्षणको जाँच गरेको हो ।
शिविरमा जम्मा ६२ जनाको थाइराइड परिक्षणको लागि रगत संकलन भएको समाजका अध्यक्ष डा. बालकृष्ण साहले जानकारी दिए । ७८ जनाको रक्तचाप परीक्षण गरेका छन् ।
कार्यक्रममा समाजका वडा ८ का अध्यक्ष अलिपन साह (सुरज) आफैले रक्तचाप परिक्षण गरेका थिए । कार्यक्रममा शिफा पोलिक्लिनिक र म्याकलिओडस फर्मास्युटिकल्स इन्डियाको प्राविधिक सहयोग रहेको थियो ।
कार्यक्रममा विराटनगर महानगरपालिका अध्यक्ष संजय कुमार साह, सचिव जगत लाल साह, नगर सदस्य ललित कुमार साह,शिक्षा समिति सहसंयोजक चन्द्र प्रसाद साह लगायत समाजका विशिष्ट व्यक्तिहरुको उपस्थिति रहेको थियो ।