विराटनगर । लायन्स क्लब अफ विराटनगर हेल्थ प्रोफेसनलले स्थापना दिवस मनाएको छ । विराटनगरमा शुक्रबार एक कार्यक्रम आयोजना गरी स्थापना दिवस मनाएको हो ।
जुलाई १२ का दिनलाई स्थापना दिवस (चार्टर्ड डे) का रुपमा लायन्स क्लब अफ विराटनगर हेल्थ प्रोफेसनले मनाउँदै आएको छ ।
सोही अवसरमा क्बलका पुर्व अध्यक्षहरुलाई सम्मान गरिएको छ ।
लायन्स अन्तर्राष्ट्रिय ३२५ सि का गभर्नर विकास अधिकारी प्रमुख अथितिमा भएको उक्त कार्यक्रममा डिष्ट्रिक्ट सचिव उदय नारायण बराल, कोषाध्यक्ष रमेश खत्री, रिजन चियर पर्सन एकता थापा, क्लवका संस्थापक अध्यक्ष डा. बालकृष्ण साह, पुर्व अध्यक्षहरु हैदर अलि, डा. सुनिल रेग्मी र क्लवका पदाधिकारी तथा सदस्यहरुको उपस्थिती रहेको थियो ।
कार्यक्रममा बोल्दै क्लबका अध्यक्ष अनिल शर्मा चौधरीले कार्यकालको शुरुआत जुलाई १ देखि १२ सम्म सामाजिक कार्य गरेर अगाडी बढेको बताए । क्बलले रक्तादन, विद्यार्थीलाई भोजन, निःशुल्क उच्चरक्तचाप, मधुमेह तथा लिपिड प्रोफाईल परिक्षण, गभर्नरले आवहान गरे अनुसार राष्ट्रिय ड्युज र संगै अन्तर्राष्ट्रिय ड्युज पनि बुझाएका थिए । त्यसैगरी बृक्षारोपण,आखाँको शल्यक्रिया गर्नका लागि विपन्न विमारीलाई आर्थिक सहयोग, रामलाल गोल्छा आँखा अस्पतालको सहयोगमा गढि ३ छिटहा सुनसरीमा निःशुल्क आँखा शिविर, क्यान्सर पीडितलाई सहयोगलगायतको कार्यक्रम गरिएको अध्यक्ष शर्माले बताए ।
कार्यक्रममा गभर्नर विकास अधिकारीले क्लवका गतिविधिलाई उच्च मुल्यांकन गर्ने प्रतिबद्धता व्यक्त गर्दै अध्यक्ष चौधरीलाई अन्तर्राष्ट्रिय निर्देशकका पिनले सम्मान गरेका थिए ।